Oskátisak osám piko étoké 15% nántaw wínawáw ká wísakáspinaticik óma ité kakinaw atoskéwinák otá Manitoba.
Ayíw wésám piko mána ká ispanihikocik okik oskátisak ká wísakisikik mékwác é atoskécik óma ká nípininik éká ká ayácik kiskinawátowikamikok nántaw oci Aniki Písim isko Nócítowi Písim tanto askíy.
Wésám piko micét ókik oskátisak atoskátamwak ité é wéténikakok ta pici wanínot awiyak éko ta wísakáspinatit éko ókik oskátisak mwác ékwéniw nánákatawénitamwak wéká kiskénitamwak kékwán óma ké wísakáspinatikocik anté ká tasi atoskécik.
Mína kawisk atoskéwak, ta mino nákocicik éko mína kostamwak ta wanitácik otatoskéwiniwáwa. Ékwáni ékotánima oci mwwac nántaw ta itwéwak ta kakwécikémcik wéká ta wítakik óma kékwán é kinomáciskákocik otatoskéwiniwáw oci.
Óma kínawáw oníkihikowak, kikakí wíciyáháwak anikik kiciwásimisawáwak éká nántaw ta isi pisci wísákáspinaticik ité ká atoskécik kisáspin wítamawatwáki tá kákwé kiskénitakik anihi SAFE ká itakik ité káwí atoskécik.
Kína kikinawápamikon óma ta kécináhoyan awa kicawásimis é ká kakwécikémot kékwána óma oci máti tánisi kékí isi pici nánísanak ité káwí atoskét.
Ta máci ayamitotamék máti tánsi ési nákacitácik éko wanastániwaki kékwán éká nántaw ta isi pici wísakáspinatit awiyak ité káwí atoskét ana kicawásimis, kécinác piko kakwécim ékwánima.
Kikí kiskinawámákawin ná éko kikí wápatinikawin tánisi kawisk ta isi atoskéyan ité káwí anikawiyan éká nántaw ta isi pici wísakáspinatisoyan?
Ékota ná cíkic wísta ki wítatoskémik?
Kiwítamak ná ana ká nákacihis mékwác ká atoskéyan ká kakwécimat óma éwí nóté kiskénitaman tánisi kékí isi kiskinawámákawiyan wéká wápatinikawiyan kawisk ta atoskéyan éko éká ta pici wísakáspinatisoyan nántaw isi?
Kiwítén ná kékwána ká kinomáciskákoyan óma oci kitatoskéwin? Ki mino mamitonénitén ná ispík é wítamawat óma ana ká nákacihis mékwác ká atoskéyan?
Kékwána mwéci ká nócitáyan nété kitatoskéwinik?
Ki tayéskosin ná mékwác ká atoskéyan?
Piko ná ta kákospátawiyék éko nántaw ité é ispák ta tatatoskéyan? Piko ná ta pimáwatáyan kékwána é ká kwasikwaki?
Kikiskénitén ná tántowa kikiskikana ta ápaciyáyan éká nántaw ta isi pici ísakáspinatisoyan anté kitatokéwinik? Kikí kiskinawámákawin ná tánisi ta isi ápacitáyan?
Kitatoskákán ná anihi ká nipíwákamiki piscipowina? Kikí kiskinawámákawin ná tánisi kawisk ta isi ápacitáyan ékwanik?
Kikiskénitén ná kici ayáwin anima sémák ta wítamawat ana ká nákacihis anté ká atoskéyan kisáspin awiyak nántaw isi wísakáspinatáw?
Kisáspin kitayán kakwécikémona wéká kékwáan ki kinomáciskákon anima oci kicawásimis éká ta wísakáspinatit nántaw isi nété otatoskéwinik, óté kikakí isi ayamin SAFE Work Manitoba ká itakik 204-957-SAFE (7233) wékácíy éká kékwán a tipahikéyan 1-855-957-SAFE (7233).
Kikakí wícihiwán ispík kí sókikápawistamáni anihi asotamátowina éko pakamiskákona óta kakinaw oci Manitoba ká ayácik.
Ékwanik óki ká kinawápamikocik:
Ta kiskénitakik oki kékwána ká nanísáninaki anté ká tatatoskániwak éko tánisi ta isi nákacitáyan éká nántaw awiyak tá isi pici wísakáspinatit.
Ta wá wícihiwéyan ispík oki mino awáina éko minwatoskéwin ká tasicikátki éko takí itótakik éko éká ta kostaman nántaw ta itikawiyan ékwéniw oci.
Éka kécík ta isitisahokawiyan ité éténitaman énánísának éko takí wísakáspinatáw awiyak ité kécík itici ta natawi atoskét.
Asotamátowina Takonwa mína ta Nákacihikawiyan éka nántaw ta isi misihoyan wéká nántaw ta itótákawiyan kisápin ótina ékakwé nakáskaman éká ta pisci wísakáspinatit anté otataskéwinit wésám nántaw é isi nanísániákok ita.
Kakinaw anihi otatoskénákanak wínawáw nípawistamok anima ta:
Ta manácihisoyan mékwác ká atoskéyan óma ká ápacitáyan ápacitáwina, péwápiskwa éko tánisi mwéci étápataki éko tánisi ta isi ápacitáyan nanátok itowa okik píwápiskwa.
Wíta sémák kékwána énanísánaki kisáspin kititénitén ékosi é ispanik wéká kikiskénitén éká kawisk épimitisayikátéki óki Manitoba kici wanaswéwina anima oci éká ta pici wísakáspinatit ité ká tatatoskét piko ana awiyak. Otatoskéwak óki ta ácimocik kékwániw mwéci kákí oci ispanik aniki ká nákacihikocik óma ité ká atoskécik ta wítamáwácik sémák.
Ápacitá wéká kikiska anihi kékwána ké natawénitaman mékwác é atoskéyan éká ta pici wísakáspinatisoyan. Kakinaw otatoskéwak piko ta kikiskakik anihi ápacicikána itowa ité ká natawénitákoki. Éká kékwán ta kécikonakik ité ká nakáskikémakak éká ta pici nántaw itaspinatisocik Kawisk kita itáspisoyan anté anima kitatoskéwinik kí wanástániwan kici wanasowéwin ékosi ta itócikániwak óma ité ká atoskániwak!
Móna wíkác kikísatóskán kína óma ká sípwétécik kicawásimisak.
Miscét otópikihiwéwak iténitamwak óma é papétakininik ité aniki oskátisak ká atoskécik, éko kawisk kí kiskinawámáwáwak óma ta isi mino ayácik éko ta isi papéyatakénimatoskécik éko kita wítamácik kisáspin óma nántaw takí isi pisci nanísának ité káwí tatakoskécik, máka móna tápitawi óma ékosi ispaniw ité.
Miscét ókik oskátisak náspic wí nóté atoskéwak ta kaskicikécik sóniyáwa Mistahi ta wícicikéméwak awiniwa ké atoskawácik, máka oski otatoskéwak éko mwác céskwa mitoni óma nitáwatoskéwak máka sanakisiwak ta minénitamahiskik, anima ká isi atoskécik.
Máci kakitosik ókik kicawásimisak anima oci máti kékí mino atoskániwa ité káwí atoskét éká nántaw ta isi pici wísakáspinatit éko mino ékosi ta isi kakwécikémat mwes ati matatoskét ita.
Ta wítamáwacik awiniwa anihi ké atoskawácik wínawáw nípawistamok anima kawisk ta kiskinawámácik éko ta wápatinicik ta oci aswénitakit kékwán kékí pici wísakáspinikikot éká kawisk kiskénitaki ta itótak. Éko mína wítamawik ta ká kakwécikémocik kékwán éko kiyám éká ta tápwétak ité ta atoskét kisáspin iténitam anima é nanísának ita mékwác nántaw isi. Wítamawik óma kiyám éká kécik ta isitisahocik ité é nánísának ta natawi tasi atoskécik.
Wítamawik anima éká pakwanta ta isi pici wísakáspinatisoyan atoskéwin éko sóniyáw otína piko oci.
SAFE Work for Parents Brochure in Cree
