Otatoskéwak ka isikápawicik
Kakinaw ókik otatoskéwak oki kékwána ká pakosénimocik kawisk ta itótácik óma ká isikápawicik:
Ta kiskénitakik kékwána óki ké pici wísákáspinatikocik óma óta ká atoskécik, éko ta kiskénitakik tánisi kékí isícikécik éká awiyak ta pici wísákáspinatit wéká nántaw ta isi pici ákosit ota óma ká tasi atoskét.
Anikik otatoskéwak ká kiskinawámácik anta oci “Workplace Hazardous Materials Information System”, ká itakik, péskis anima ká kiskinahótinicik tánisi ta isi paminakik anihi picipowina anima ité ká atoskániwak, ékwánima anima péyak otisikápawiiniwáw tápiskóc ká itasték anta wanasowéwi masinahikan “The Workplace Safety and Health Act” ká itakik.
Ta wá wícihiwét óma ká nócitániwak ta mino atoskániwak éko ta mino ayáyan ki tatoskéwinik, apók ta wítapimacik oníkánakisowak wéká ta nánókosiyan óma kína kawisk otatoskéw éko kakinaw ékosi kotakak awiyakak wístawáw takí isiyayácik.
Éká ta tapwétak kécík ta atoskét kisáspin iténitam anima énanísánananik anta atoskéwinik wéká énanísának anima atoskéwin éko ta náspici wísákáspinatikot awiyak kisáspin ékota nántaw isi macipanihikotwaki.
Ká otótaman kitatoskéwina wéká ká nákacihisoyan éká ta pisci wísakáspinatisoyan, tápiskóc ká itasinahikáték anta kici wanasowéwin The Manitoba Workplace Safety and Health Act, éko éká ta kostaman nántaw ta isi misihoyan.
Otatoskéwak Onípawistamawiniwáw
Ékwanik óki otatoskéwak piko ta nípawistakik:
Kawisk ta nákatawénimisot éká nántaw ta isi pici wísakáspinatisot wéká kotaka otatoskéwa anihi ké pakamiskákót óma ká itotak kawisk éká kékwána ta wanikiskisit ta itotak.
Kawisk ápacitáwina ta ayáyan éko kawisk ta itápacitáyan anihi ápaciyáwina, kikiskikana éko anihi ká pimipanicikániwaki.
Ta wítatoskémat anihi óma ká nákacitánit kakinaw awiyak ta mino ayát éko éká nantaw ta isi wísakáspinatit anté otatoskéwinik.
Ta wítatoskémacik kotakak otatoskéwak óma éká nántaw ta isi pici wísakáspinaticik wéká ta oci ákosicik anté otatoskewiniwak oci.
Kiskénitakosiwina anihi oci kici wánasowéwin natawénitakona anta isi péyatakénimowin éko míno ayáwin wanasowéwin:
Atatoskeewinik Papeeyatakeenimona eeko Mino Ayaawin Kici Wanasoweewi Masinahikan – Eeko oota 2: Kékwán óma oci Kici Wanasowéwin
Atatoskeewinik Papeeyatakeenimona eeko Mino Ayaawin Kici Wanasoweewi Masinahikan – Eeko oota 5: Kita yá itótakik otatoskéwak
Atatoskeewinik Papeeyatakeenimona eeko Mino Ayaawin Kici Wanasoweewi Masinahikan – Eeko oota 7.5: Kitawítaman ta Pakitinaman anihi kékwána ká Natawénicikátéki Kiskénitamona
Atatoskeewinik Papeeyatakeenimona eeko Mino Ayaawin Kici Wanasoweewi Masinahikan – Eeko oota 40: Atoskéwinak Péyatakwénitákon éko Mino ayáwin ká Paminakik éko kotakak Otayamihistamákéwak
Atatoskeewinik Papeeyatakeenimona eeko Mino Ayaawin Kici Wanasoweewi Masinahikan – Eeko oota 43(1): Éká ká tapwétaman ta atoskéyan ité ké pici nanísának nántaw isi
Atoskéwinak Péyatakwénitákon éko Mino ayáwin Wanawowéwina, Part 35: Atoskéwinak Picipona ká takoki éko ké isi Mino Paminikatéki, Ápacitáwin oci M.R 217/2006
Bulletin 231: Worker Rights and Responsibilities (Cree) - see Bulletin 231 in English
