NI MINÉNITAMOWIN ÉKO NIMINO AYÁWIN TA KINAWÁPATAMAN

Ohi ká ati masinahikátéki kika wícihikon kita kécináhoyan óma kita péyatakénimoyan éko kéko mino ayáwin asotamákéwin éyáyan éko kékwána kína ká nípawistaman.

Ki itótén anihi minénitamowina éko mino ayáwin kiskinawámákéwina:

Nistom káki masinahikéwikawiyan.
Ki átanikawin ité éko ta tatatoskéyan kotaka kékwána ta nocitáyan.
Ki átanikawin ité éko ké tatatoskéyán.
Néyap ka takosinan ité kaki tatatoskéyan kotaka kékwana ki maci tasikamwak éko kotaka kékwana ka nanisanaki éko ita takona.

Nikiskénitén ité étapiyan óma ité ka atoskéyan ési nakacitaniwak kici wanasowéwinik oci éko oko ékota mina;

Kékwana ita astéki énanisánaki éko tánisi kékí isi nakacihisoyan.
Kita yá itotéyan oma mana ka animotakik wéka ka itotakik tanisi óma ta isi minénitaman éko ta mino ayayan anté nitatoskéwinik.
Éká ká tapwétaman ta atoskéyan ité ké pici nanísának nántaw isi.
Kita nacipayiwéyan anihi kici wanasowéwina ka nákacitat anima ité ka atoskéyan, éko éka nantaw ta isi nisitawénicicikénimikawiyan.

Nikiskénimaw awa nitokimam wina é nipawistak ta;

Asténik éko ta itaniwaninik é mino ayámakak ita anima ka tasi atoskéyán éko kawisk ápacitawina ta takoki.
Kawisk ka kiskénitakik otatoskéwa ká nákaciyamit ta itamit ité ká atoskániwak.
Kita nakacitaniwak éka nántaw ta isi pici wisakáspinatit wéká omino ayáwin awiyak anté ka tatatoskániwak.

Nikiskénitén ana nitokimám wina é nípawistak oma éká nántaw ta isi macipanihikot anté ka atoskániwak natawénitakoki itowa ité ká tatatoskéyan;

É nisitotaman ékwani anihi oci ité ka atoskéyan éko anihi kici wanasowéwina ka pimitisayakik.
Kawisk ta itapacitáyan ápacitawina, kikiskikana éko isi itotamowina kékwána ki tatoskewinik.
Kawisk ta kiskinawamakawiyan tánisi kawisk ta isi nákacihisoyan éko kékwana énánisánaki ta oci aswénitaman oma ité ká isi atatoskéwikawiyan.

Nikiskénitén tanté ésikapawiyan anté kici wanasowéwinik ka isi akitéki anima oci anté ka tatatoskéyan, éko mina nina ni nípawistén ta;

Kawisk ta itapacitayan apacitawina, kikiskikana éko isi itotamowina kékwana.
Ta tápwétawi witatoskémakik anikík ka nikánakisocik ka nákacitácit anima atoskéwin.
Kawisk ta wítatoskémakik niwitatoskémakanak éka kékwán ta wanapanik wéka ta pici wanaspinatit awiyak.
Nikiskénitén tanisi éko tanté ta isi ápacitayan anihi kici wanasowéwina anté oci nitatoskéwinik; éko mina oki.

Ta nakatawénitaman kawisk ta nakacihisoyan éko kotakak anima ité nitatoskéwinik kiyam piko anima ké itotaman;

Ta isi asawápataman kékwána ké nanísánaki.
Ta isi asénaman kisáspin énanísanak atoskéwin.
Ta isi wítaman nantaw ita énanisának wéka é animak ta tatatoskaniwak.

Nikiskénimaw awina ana nitókimam éko ité kéki isi natak natawénimaki.
Ité ka atoskéyan itaw éki wanaskonit ta itwéstamawat otatoskéwa éko ka nakacitanit kakinaw awiyak ta mino ayat otatoskéwinik. Nikiskénimawak awiniwak okik kakí wanaskonicik oma ta itakisocik.
Niki witamákawin anihi tanisi ta isi nákacihisoyan éko énisitotaman ékwani anihi oci ité ka atoskéyan éko anihi kici wanasowéwina ka pimitisayakik.
Niki wítamákawin kékwana oma kéki nanísanaki anté kawi atoskéyan.
Nikí kiskinawámákawin tanisi kawisk ta isi atoskatamán ká minikawiyan ta itotaman éka awiyak ta wísakaspinatit nantaw isi, éko mina tanisi kawisk ta isi ápacitayan kakinaw ápacitawina.
Ayiw nitatoskakan WHMIS ka itakik – é akwak apacitawin kawisk ka nakacitaniwak éko mina piko ta kiskinawamakawiyn ta isi takonaman anima WHMIS, éko mina ité kéki miskaman anihi MSDSs (Material Safety Data Sheets) éko tanisi ta isi kinawápataman anima MSDS mwés takinaman anima WHMIS –ka nákacicikaték ápacitawin.
Ki kiskinawamakawin tanisi ta isi apacitayan anihi kikiskikana (PPE) káwi kikiskaman éko tánisi kawisk ta isi ápacitáyan.
Ki kiskinawámákawin tanté tékoki iskwatéma ta isi wanawiyamoyan éko tanté éstéké tominikana éko sakapicihonisa ka apataki ka pici wisakaspinatit awiyak.
Nikiskénitén tánisi éka ta itótamán éka ta pici nanisánihoyan éko ité énanisának éka ta isi pitokéyán.

My Safety and Health Checklist in Cree - see My Safety and Health Checklist in English