Óta Manitoba ,wanasowéwi masinahikan kí wanastániwan “The Workplace Safety and Health Act” icikátéw éko ékota masinahikátéw ókik tánisi kékí itótakik ókik otatoskéwéwak éko anikik otatoskénákanak éká nántaw ta isi pici wísakáspinaticik anté ká tasi atoskécik. Kikáspin kakinaw awiyak nisitotam anima “The Act” ká itakik, kitati kiskénitamwak óma móna wésá pakwanta awiyak takí wísakáspinatit anté otatoskéwiniwak éko wínawáw ékwánima ta nákacitácik.
Atoskéwinik ká péyatakwénitamowin éko mino ayáwin omámawapiwak ká níkánakisocik
Atoskéwinik péyatakwénimowin éko mino ayáwin omámawapiwak ká níkánakisocik ékwanik otatoskéwak ká wíciyácik anihi oníkánakisowak anté ká atoskániwak éká awiyak nántaw ta isi pici wísakáspinatit anté ká atoskániwak.
Nanátok kékwána atoskátamwak ókik omámawapiwak ká itatoskécik:
- Éwanástácik nánátok isi péyatakwénimona éko mino ayáwina ánté ká atoskániwak ta wícihikocik ókik ká nákacicikécik óma mékwác ká atoskániwak.
- Ta kakitotácik anikik otatoskéwak anihi oci péyatakénimowin éko mino ayáwin anté ká tasi atoskécik.
- É ositániwaki éko é ayimitotakik aniki ké minwásik péyatakwénimona éko mino ayáwina anté ká atoskaniwak.
- Ta kiskinawámácik otatoskéwak ókik kici wanasowéwina.
- Ta nákatawápatakik ókik ké isi nanisánihot awiyak nántaw isi anté otataskéwinik.
Otatoskéwak otipoitótamowiniwáw éko onípawistamawiniwáw
Ékwanik óki Manitoba kici wanasowénina mínéw ókik otatoskéwa otipitotamowiniwáwa:
- Ta kiskénitakik tánisi ké isi nákacihicik anté otatoskéwiniwak éká nántaw ta isi pici wísakáspinaticik éko tánisi ta isi asawénitakik anihi kékwána ké pici wanitótákocik.
- Ta wícihiwét oki ispík ká paminikátéki péyatakwénitamowina éko mino ayáwina óma ité ká atoskániwak, éko wísta ékota ta akisot anihi ká mámawapicik wéká ta oci ayamihistamákét.
- Éká kécík ta isitisáhikawiyan ité ké nanísának ta atoskániwak kisáspin mwác kitapwétén éyako ta itotaman éko tápitaw ta oci aswénitaman éyako.
- Kitasotamákowin ta Nákacihikawiyan éka nántaw ta isi misihoyan óma ká itótaman ki tatoskéwina wéká ká átotaman kawisk ta isi pamihikawiyan anté ki tatoskéwinik ká itasinahikték Kici Wanasowéwin The Workplace Safety and Health Act.
Kína óma otatoskéw, kína kikinawápamikon kéti itakamikisiyan éko ékwánima táti nókon óma ké itatoskéyan éko ké isi pakamiskikémakak anima ki tisicikéwin.
Otatoskéwak piko ta:
- Itótakik kakinaw kékwána ta kécinahot éká nántaw ta isi wísakáspinatisot wéká kotaka awiyaka ta wísakáspinatisonit óma mékwác ká atoskániwak éko piko anima kékwána ké nócitáyan piko kita mino ayámakak anté oci kitatoskéwinik.
- Ta kiskénitakik tánisi kawisk ta isi ápacitácik ápacitáwina, kawisk ta itáspisocik anima káwí itatoskécik éko kawisk ta isi ápacitácik anihi kakinaw ápacitáwina.
- Kawisk ta wítatoskémácik anihi péyatakénimowin éko mino ayáwin anté atoskéwinik ká mámawapihistakik ókik oníkánakisowak éko mína kotakiyak.
Otatoskéwéwak onípawistamawiniwáwa
Ékwanik ókik otatoskéwéwak wínawáw pakamiskákowak éspanínik kékwána ité ká tasi atoskaniwak. Éko mína wínawáw kakinaw kékwániw ta pakamiskákowak anihi oci péyatakénimona éko mino ayáwin anté oci ká tasi atoskániwak.
Ókik otatoskéwéwak piko:
- Kakinaw kékwána ta kakwé itotakik kita mino atoskániwak, éko kakinaw anihi ápacitáwina éko kikiskikana kawisk ta isinákoki ita ta atosképaniki óma ta péyatákénimonániwak éko ta mino ayániwak ité ká atoskániwak.
- Ta kécinahot kakinaw awiyak ta nisitotak tánisi ta isi mamanácihot éká ta pici wísakáspinatisot ité anima ká tatatoskét.
- Ta masinahikétát kawisk otatoskéwa ká nakacitánit ta níkániskamákécik.
- Ta kiskinawámáwácik otóskatoskéwa tánisi ta itótaminit mwés mácitámit otatoskéwiniwáw.
- Kawisk ta wítatoskémácik anihi ká mámawapicik ta nákacitácik óma kakinaw awiyak ta péyatakwénitak éko ta mino ayát anté otatoskéwinik.
Opaminikéw onípawistamawina
Wésám piko ókik mána ká wísakáspinaticik nété otatoskéwiniwák ékwanik anikik otóskatoskéwak. Aniki opaminikéwak takí wícihéwak aniki otóskatoskéwak ta nisitawinakik tániwéka anihi kékwána kékí wísakáspinatikocik éko tánisi ta isi aswénitakik éká ta pici wísakáspinatitocik.
Anikik opaminikéwak piko:
- Ta kécináhocik anikik otatoskéwak énisitotakik tánisi ta isi manácihocik éká nántaw ta isi wísakáspinaticik anté ká atoskécik éko tánisi ké isi macipaniki kékwána ta nisitawinakik.
- Ta kécináhocik ókik otatoskéwak ta ápacitácik anihi ápacitáwina ta wícihikocik éká nántaw ta isi pici wísakáspinatisocik.
Opaminikéwak nákacihéwak otatoskéwa éko wína takí kiskinawámawéw tánisi takí itotakik éká nántaw ta isi pici wísakáspinatit anté ká atoskét. Takí níkanístamawéw ta kiskinawámawát tánisi ta isi atoskénit kawisk éko kita mino ayát óma ká itotakik.
Everyone's Responsibility Brochure (Cree)
