KISKÉNITÉN NA WÉSAM PIKO NÁNTAW 15% OKI OTATOSKÉWAK KÁ WÍSAKÁSPINATICIK OSKÁTISAK ANIHI MWÉCI KÍNA.
Háw císt, wésám piko tanto askiy nántaw 5,000 oskátisak nántaw étatwáskínécik 15 isko 24 wínawáw ká wísakáspinaticik.
Kisáspin knatonén atoskéwin wéká ékwénak é oski mátatoskéyan piko ta ta kiskénitaman tánisi ta isi nákacihisoyan éka nántaw ta isi pici wísakáspinatisoyan.
Kikiskénitén na tánisi ta isi pimitisayaman anima SAFE atoskéwin ká itakik.
Nisitawina kékwán óma ké nanísának – piko ité ká atoskániwak itámakanwa kékwána óma ké pici nanísánaki ita. Inikok ta nisitawinaman, kika kiskinawámákawin tánisi ésinákoki éko tánisi ta isi paminaman éyako nántaw isi noté ápacitáyani ékwani. Ékwanik oki nisto kékwána kikaí wícihikon éka nántaw ta isi pici wísakáspinatisoyan anté ki tatoskéwinik.
Papéyatak kinawápata anima ká nanísáninakok – ayiw kika isi kiskénitén máti ké nánísának óma kakwécimisow Kikiskinawámákwain na tánisi oki ta isi nákacitáyan? Kikakí pici wísakáspinatikawin na? Tánisi kékí isi wísakáspinatikoyan óma? Ókik kiskénitamani kika wícihikon tánisi kékí itótaman kisáspin otina kititénitén énánísának anima kékwániw.
Miskan nawac kawisk ta isi atoskániwak ité – nahisicikáték nawac, kinawápata tánisi óma kékí isi nahisicikániwak, ta kinawápacikátéki tánisi kékí isi minwatoskániwak éká ta nanísánihoyan, wéká kotak kawisk ápacitáwin ta ápacitáyan óma ita ká tatatoskéyan.
Tanto kísikáw
Wanasowéwina takonwa óta Manitoba óma ta kiskinawámákawiyak tánisi kawisk ta isi atoskéyan éko mína kita mino ayáyan émwés mátakoskéyan!
KAKINAW OTATOSKÉWAK OTA MANITOBA ITAPIWAK ÓMA KIHCI WANASOWÉWINIK ÉKÁ ÓMA PAKWANTA NÁNTAW TA ISI WÍSAKÁSPINATITI ANTÉ KÁ TATATOSKÁNIWAK.
Anima Manitoba Workplace Safety and Health Act and Regulation wítam tánisi mwéci ta itótakik ókik otatoskéwak okimáwak éko anishi ká nákaciyácik otatosékwa nántaw isi pici macipaniki kékwán ité ká atoskániwak.
Anikik okimáwak wínawáw nípawistamwak óma ta kiskinawámácik ti isi mino atoskániwak, ta wanastácik mino ayáwin éko mino atoskéwina éko anihi ta nisitotakik ékwanik oko itowa wanasowéwina anihi otatoskéwak.
Óma kína otatoskéw ékwanik oki kína ta nípawistaman:
- Ta pimitisayaman kawisk itatoskéwina éko ká isi nócitániwaki.
- Ta tápitawi nákatawénitaman éká nántaw ta isi pici wísakáspinatit awiyak.
- Ta wítaman kisáspin ki wápatén nántaw kékwán énanísáninakok anté ká atoskániwak.
Óma ká wítatoskémitonániwak, kakinaw kitakí wáwícihiwéw óma kéá awiyak nánataw ta isi pici wísakáspinatit!
Kisáspin mwac kikiskénitén – KAKWÉCIKÉMOW.
Móna kékwán nanwépéhiwin wéká nántaw kika isi wísakiskákon óma ká kakwécikémoyani tánisi óma nawac kékí isi ápatak anima SAFE ité ká atoskéyan.
OKO NÉYO KÉKWÁNA KAWISK ITÓCIKÁTÉKWÁKI TAKÍ NAKASKAMWAK KÉKWÁNA ÉKÁ TA WANÁPANIKI
Kakinaw otatoskéwak anta oci nákaciyáwak kici wanasowéwinik anima The Workplace Safety and Health Act ká itakik.
Ta kiskénitakik oki kékwána ká nanísáninaki anté ká tatatoskániwak éko tánisi ta isi nákacitáyan éká nántaw awiyak tá isi pici wísakáspinatit.
Ta wá wícihiwéyan ispík oki mino awáina éko minwatoskéwin ká tasicikátki éko takí itótakik éko éká ta kostaman nántaw ta itikawiyan ékwéniw oci.
Ta ánwétaman éká ité ta natawi atoskániwak kisáspin kititénitén énanísának ita.
Asotamátowina Takonwa mína ta Nákacihikawiyan éka nántaw ta isi misihoyan wéká nántaw ta itótákawiyan kisápin ótina ékakwé nakáskaman éká ta pisci wísakáspinatit anté otataskéwinit wésám nántaw é isi nanísániákok ita.
Kisáspin awasimé kékwána kinóté kiskénitén óma oci oté kikakí itotán safemanitoba.com wéká kikakí natonén oté isi éko kikakí natonawáwak anihi otatoskéwak ká ápacitácik kici wanasowéwina, éko mína SAFE atoskéwin acimowiy masinahikan #255 minwatoskéwin kiskinawámákéwina.
MWÉS MÁTATOSKÉYAN ÓMA KIKAKÍ KAKWÉCIKÉMON
Kékwána nanísánaki ité káwí atoskéyan?
Kékwána awa káwí atoskéwak minwatoskéwin éko mino ayáwin éyát anté ká atoskániwak?
Tánispík ké kiskinawámákawiyan óma tánisi kawisk ta isi minwatoskéyan anté káwí anikawiyan?
Itaw ná ita awiyak kákí wanaskonit ta ayamihistamawát otatoskéwa?
Ninatawénitén na kikiskikana éka ta wísakáspinatikawiyan ité káwí atoskéyan?
Tánispík ké kiskinawámákawiyan tánisi kawisk ta isi ápacitáyan?
Tánispík ké kiskinawámákawiyan tanisi itótamán kisáspin nántaw wéká kékwán nanísánan anté ká atoskániwak?
Tánté éstéki anihi ká natawénicikátéki ápacitáwina ispik ká isi pici wísakáspinatisoyáni?
Tánisi ké itótamán nántaw isi pic wísakáspinatisoyáni. Awina na ká nákacitát anihi ká ápataki nántaw ká isi pici wísakáspinatisot. Ayáw na anima nitatoskéwininak nété ninákacihikonán awa ká itit Workér’s Compénsation?
Kékwána anihi kawisk atoskéwina éko mino ayáwin ota nitatoskéwinik ká nipáwistamán?
Tanisi kékí itótamán kisáspin awasimé kakwécikéwimona nitayán óma oc ta mino atoskéyan?
Mwéci oko ká isi wítamákániwaki tápiskóc náspic óma mistahi kékwána ta kikénicikátéki máka náspic kawisk wícihikon ékwanik oki inikok anima SAFÉ ká itasték ta itótamán anté kitatoskéwinik.
Getting a Job? SAFE Work For You in Cree
