Anima COVID-19 nipoyáspinéwin ákosiwin nanísánihikwak kakinaw ininiwak ta pisci kácitinakik aspin kákí máci ayámakak óta 2019 kákí askíwak. Kawisk pimitisaya ta itótaman ohi kékwána ká ati masinahikátéki kita amino ayáyan éko kita péyatakwénitaman nété kitatoskéwinik, éko ta isicikéyan éka kita osci asowihitowék anima akosiwin COVID-19 oci nété kitatoskéwinik.
1. Sákaskinaya anima COVID-19 ká nákaci-natonikéwi kiskénitamo ápacitáwin émwés natawi atoskéyan kisáspin ki mósitán éko é nókoki anihi COVID-19 pisiskápatamékwa.
Ékwani óhi pisiskápatamékwa anima oci COVID-19:
- ékisisowipaniyan
- kika kákícikotwaskwán/kika káspitákosin
- épápákamocépaniyan wéká é sásáposoyan kapé kísik
- kika ostostotén
- kika nótétámon
- ékakitisiyan
- écákíyan
- étéwistikwanéyan
- épikwasaképaniyan éko mwác kikiskénitén kékwána anima oci
- éwinténikoméyan
- é omikískisokanépaniyan
- é wanénitamacihoyan wéká éká éki mícisoyan
- éká ékí isitospicikéyan wéká kita minácikéyan
2. Kisáspin nókonwá é ayáyan ékota pisiskápatamékwa, natota ké itikawiyan/wéká anté kitatoskéwinik máti inikok ké minomacihoyan natawi atoskéyan.
3. Kawisk tápitawi nákatawénimiso kita apícitáyan éká kita pisci asowihitowék anima míyaw ásowin isi ayáwin:
Wá wípac kisípékicicéy, tá ápaciyat kisípékinikan éko nipiy nántaw 15 kita iskwakitásoyan, wéká ápacitá anihi ká maskawákamiki nawac pékicicikanépoya (nántaw 60% é ispíci maskawákamiki).
Kawisk kisípékicicéy ta ápaciyat kisípékinikan éko nipiy kisáspin otína nókon é wawínipicicéyan.
Kawisk kisípékicicicéy éko kisípékicicakákan ápacitá:
ká iskwá ostostotaman wéká ká cácámoyan. Tápitaw ápacita síniskókiméwékinak ká ostostotaman wéká ká cácámoyan wéká ki nákwák isi ostostota (mwác wina ki cicík isi), éko sémák wépina anima síniskokiméwétin ispík ki kísipacitáyani.
kí kísi ápacitáyani pamihisowikamikos.
kí kísápacitáyan síniskokiméwékik.
ká iskwá nócitáyan wéká mékwác ká nócitáyan mícim éko ispík ká mícisoyan.
éko ispík ká iténitaman nántaw óma é isi wínipiciéyan.
éko ispík ká ati nakataman wéká ká natawi apiyan anté ki tatoskáwinik.
Maskikíwíta anima ité ká nócicikéyan tako anihi kakinaw kékwána wá wípac ká tákinikátéki, kita ápácitáyan anihi maskikíwátápoya ká otinaman atáwéwikikamikok.
Kikiska ákwacápahon ité ké natawénitákok ékosi ta itótaman wéká ká itasowániwak kita isícikéwin ité káwí tasi atoskéyan. Anté itápi Manitoba Public Health website ká nókopaniki masinahikéwina ta kiskénitaman tantowa éko tánisi ta isi ápacitáyan anihi ákwacápahona.
4. Wá wánaw (éká kita sámiskátoyék) ocikápawistátok:
- Nántaw níso mispitona (nikotwásik misita) nátitok óma ité ká atoskéyék, kakinaw awiyak ki wítatoskénákanak, anikik ká paminacik ininiwak, otatáwéwak, máka wina áskaw piko cíkic ta nátitowék, náspic oti acinaw piko.
5. Sáskakinaya anima COVID-19 kakwécikémona masinahikana:
- Sákaskinaya anima kakwécikémona cistahowéwin oci tápwé piko ékosi kí itapiyani kita itótákawiyan. Anihi COVID-19 cístahowéwina kí nókotániwan óma é wícihikémakaki éká awiyak kita pisci kácitinak anima COVID-19 nipoyáspinéwin ákosiwn éko nakáskam anima itowa itáspinéwin, éka ta itotéyan ékosiwikamikok wéká tati pisci nipiyan ékwéniw oci, anima ká itakik COVID-19.
6. Natotamok anima ká isi píkiskwátak ana Manitoba's Chief Public Health Officer tánisi óma kékí isi nakáskikáték éká kita ásowitonániwak anima ákosiwin COVID-19:
Kotaka ité kékí otinam ohi kiskénitamowina
Wétinikáték: Manitoba Health: Help reduce the spread of COVID-19 (Wícihiwé éká kita pisci ásowihitowék anima ákosiwin COVID-19 ká itakik)
Tip Card: Staying safe and healthy at work during COVID-19 (Cree)
